Фудбалерите на ФК Башкими од Горно Јаболчиште направија голем резултат, откако со победа во Купот  за подрачјето на Третата лига Југ, се пласираа како нејзин претставник во 1/16 финале на Македонија, меѓу 32 најдобри екипи. Попладнево во Росоман,  на неутрален терен го победија тимот на ФК Пепелиште со 2:0. Стрелци на головите беа Албин, со волеј бомба од 16 метри  и Арбен, исто така со прецизен шут од далечина. 

Ова е круна на успешната сезона на екипата од Горно Јаболчиште, која како првак на Општинска фудбалска лига Велес, лани 2024, годинава играше во Третата лига Југ и со голем успех настапи во оваа конкуренција, го освои 3-то место. Втор претставник од подарчјето на Третата лига Југ во 1/16 на Купот на Македонија е ФК Победа од Прилеп.  

Првото коло од 1/16 финале на Купот на Македонија, се игра на почетокот од август, со еден наптревар. Ждрепката ќе биде извлечена подоцна. 

Поврзани »