Петар Печков
Објавено: понеделник, 15 септември 2025
Се одигра првото коло од Третата фудбалска лига Југ. Резултатите на трите велешки се победа и два порази.
Силовит старт на ФК Превалец кој дома со 6:0 (3:0) го совлада тимот на ФК Млекар од прилепско Мало Коњари. ФК Борец загуби во Росоман, од истоимениот тим со 0:1 а новакот во ова друштво ФК Тополка е поразен со 0:2 во кушевско Пресил од домаќинот ФК Влазними јуниор. Екипата на ФК Башкими од Горно Јаболчиште не го одигра натпреврот со ФК Слога од прилепско Лажани, бидејќи домаќинот пред почетокот на првенството се откажал од натпреварите.
Во следното второ коло ФК Превалец игра повторно дома, овој пат со ФК Питу Гули од Крушево, ФК Тополка гостува и ова коло кај ФК Млекар во Мало Коњаре прилепско, ФК Борец игра дома со ФК Влазними јуниор а ФК Башкими игра дома со ФК Младост од прилепско Кривогаштани.
