Петар Печков
Објавено: четврток, 08 мај 2025
Апелација Скопје ја потврди првостепената пресуда на Основен суд Велес за негувателката В.И (39 год). која доби условна затворска казна за кривично дело Злоупотреба на службената положба и овластување 353 став 5 во врска со став 1 од Кривичниот законик.
Таа е осудена на една година затвор, која нема да се изврши доколку обвинетата во времето од три години од правосилноста на пресудата не стори ново кривично дело, соопштија од Основен суд Велес.
Под став 2 на обвинетата В.И од В. и била изречена и казна Забрана за вршење професија, дејност или должност како неговател во траење од пет години сметано од правосилноста на пресудата.
Вработената е огласена за виновна бидејќи на децата им давала да пробаат електронска цигара. Настанот се случи на 29 септември 2024 година во клон „Маргаритка“ кој е во месноста Дворови.
