Вардарската регата по 26 пат годинава ќе заплови на 19 јуни од под Мало мовче во Велес за да стаса до Солун на 22 јуни, понеделник. Годинава е трет пат како таа ќе плови до вливот ан реката Вардар во Егејско море а потоа и чамците да стигнат до Солун.  Како и претходните години има  четири базни логори Криволак и Демир Капија во Македонија и  Поликсатро и  Акропотамис  во Грција. 

„Деталите се утврдени со грчките партнери, солунските скаути. Промени на трасата нема , ја знаеме состојбата.  Очекуваме дека Електрани не Северна Македонија ќе одржат водостој за нормално пловење“ – кажа  Ангелче Гушев од Извидничкиот одред Димитар Влахов, кој со делегирана надлежност од Општина Велес,  ја има организацијата на Вардарската регата. 

Се очекува дека запловат   20 чамци и 100 учесници. Финансиски е поддржана од локалната власт на Велес. Организаторот најавува дека годинава е внесена во програмата на Балканската рафтинг федерација.

 „Колегите од Јајце БиХ го повлекоа терминот за да може да дојдат гости на нашата регата. За нив е интересно, тие се рафтери, но сакаат да видат какво е ова спартанско веслање, оти овде нема адреналинско веслање. Може да се рече дека адреналинското во нашиот случај е долгото веслање. Сакаат да проверат како тоа 280 км се весла са пет дена“- дополни Гушев.

Поврзани »