Театар „Јордан Хаџи Константинов Џинот“  од Велес за најмлади гледачи ја подготви новогодишната претстава „Поштарска бајка“ работена по текст на Карел Чапек, во режија на Александар Ивановски,  драматизација и адаптација на  Катерина Момева

„Преку игра, хумор и топлина, приказната нè води во светот на писмата што никогаш не стигнале до своите адреси, но во себе ги кријат најискрените човечки желби, соништа и тајни. Ова е бајка за комуникацијата, љубовта и надежта – и за тоа како секоја порака, дури и изгубена, може да го најде вистинскиот пат. Целта е најмладата публика да ужива во магијата на театарот и силата на убавата приказна“ – соопштија од театарот.

Во претставата настапуваат: Филип Христовски, Кире Ацевски, Славица Манаскова, Сандра Танчева, Исидор Јованоски и Талија Ѓорѓиева. Сценографијата и дизајнот се на Филип Коруновски а костимите на  Катерина Чукниева

Претставата е на репертоар од денес  понеделник, 22 декември и ќе биде играна со  организирана посета на децата од основните училишта и градинките од градот. 

 фото Пепи Кирка 

Поврзани »