Од почетокот на месецов, јули  воведена е целосна забрана за движење во шумите и шумското земјиште во периодот од 00.00 до 24:00 часот, на територијата со која стопанисува јавното претпријатие Македонски шуми. Забраната е воведена  поради  зголемената опасност од појава на шумски пожари на отворен простор.

Целосната забрана за движење во шума стапи на сила од 1-ви  јули и ќе трае до 31 август.  Движењето е  дозволено единствено со писмено одобрение издадено од подружниците на ЈП Национални шуми за подрачјето со кое стопанисуваат/управуваат.


Целосната забрана за движење во шумите и шумското земјиште не важи за припадниците на :
Министерството за внатрешни работи, Министерство за одбрана, Шумската полиција, Центарот за управување со кризи, Дирекцијата за заштита и спасување, Државниот инспекторат за шумарство и ловство, ЈП Национални шуми, субјектите што вршат шумскостопански активности, шумски работи и заштита на шумите, и лица коишто имаат писмено одобрение за движење во шумите со кои управува ЈП Национални шуми - Скопје. 

За спроведување на забраната одговорни се вработените од ЈП Национални шуми кои вршат дејност заштита, Државниот инспекторат за шумарство и ловство, Шумската полиција и МВР. 

За движење низ парк шумите и Националните паркови, граѓаните да се информираат кај правните субјекти кои управуваат со овие територии.

Поврзани »