Петар Печков
Објавено: петок, 25 април 2025
Вчеравечер во Башионо село се запалила куќа, интервенирале пожарникарите. По гаснењето на пожарот еден од нив има труење со чад. Деталите од инфорамциите на ТППЕ Велес и Општа болница Велес.
„На ден 24.04.2025 во 20:45 примена е дојава за запалена куќа во Башино Село. Територијалната Против Пожарна Единица Велес излезе на лице место со две против пожарни возила и шест пожарникари спасители. По пристигнување на лице место пристапено е кон гасење на пожарот“ – соопштија од ТППЕ Велес
При интервенцијата еден од пожарникарите имал труење со чад.
„Пациентот е примен на Ургентен центар, каде му е даден првична здравстена нега. Потоа е примен на Интерно одделение, на кислородна поддршкаа. Потоа по негово барање е пуштен на домашна нега“ – соопштија од ЈЗУ Општа болница Велес.
Oд велешката полиција додаваат дека куќата во која настанал пожарот е во сопственост на И.Д. (46 год).
