Одбојкарите на ГОК Борец стигнаа до уште една максимална победа, овој пат над директниот ривал за второ место. Во шестото коло од разигрувањето совладан е ОК Работнички од Скопје со 3:0 (22,21,16). Со овие бодови велешани се без малку втори по овој дел на првенството, а остануваат уште четири кола до негово завршување. Следното коло, следниот викенд голем предизвик, засиленото ОК Сушево, кое е петто пласиран  гостува во Велес, откако во февруари беше максимално  поразен дома во Василево. Претходно в среда истите две екипи играат во ¼ од Купот во Велес. 

Трета победа во третото коло од разигрувањето за кошаркарите на КК Борец баскет во Скопје. Совладана е екипата на  КК Вардар со 70:95 (28:47) со што велешани остануваат во врвот со 12 победи и три порази, колку што имаат и Соколи, Бутел и Струмица. Средбата без резултатска неизвесност, гостите супериорни и во ниту еден момент не беше доведена во прашање победата. За одбележување е играта на Штерјов кај велешани со 24 поени и 12 скока.  Во следното коло, следниот викенд во Велес гостува КК Мега од Прилеп, кој вечерва -недела, загуби дома од  лидерот КК Струмица.

Во Втората одбојкарска лига жени, двете велешки екипи се поразени. OK Виола волеј дома загуби со 1:3 од ОК Ново село од струмичко Ново село (19,15, -15, 21 ) а ОК Борец во Скопје од третопласираната екипа на табелата, ОК Форца волеј Ема исто со 3:1  ( 20, -23, 12,13). Со овие резултати велешанки остануваат на истата позиција ОК Борец е четврта со 30 бода  ОК Форца волеј е деветта со 18 бода. Во следното коло е градското дерби играат ОК Борец и ОК Виола волеј.

Поврзани »