Вторник попладне од 19ч. во амфитетарот на Младински парк, во Велес гостува Баскер фест, фестивал на уличната уметност.  Годинава под мотото „Караванот на насмевки е тука“. 

Посетителите ќе можат да се сретнат акробати и жонглери што со леснотија ја држат публиката во очекување, улични музичари што будат емоции, илузионисти што ќе ве натераат повторно да верувате во магија и кловнови кои со еден гест или поглед успеваат да изнудат насмевка.

„Сите тие се подготвени да ја споделат својата уметност и страст, да нè поканат да се забавуваме заедно, без разлика на возраста, интересите или од каде доаѓаме. Вечерта гарантира изненадувања, позитивна енергија и интеракција. Амфитеатрот ќе оживее со звук и боја, локацијата ќе се претвори во места на средби меѓу уметниците и публиката, со специфичен фестивалски пулс што ги спојува луѓето, без разлика дали се познаваат или не“ - соопшти организаторот.

Велешани и посетителите ќе можат да  видат шест уметници, најавени се:  Мр. Мустачо, Julian, Daniel, Mascarpone, Baterix, Mango de fa.Сите тие живеат од доброволните прилози кои публиката ги дарува по завршувањето на нивниот настап.  

Артистите од Баскерфест во Велес беа лани -2025, и далеку претходно 2013 и 2017-та година. 

Поврзани »