Македонската пливачка Анастасија Богдановски на пливачкиот митинг  одржан во Шарлот викендов,  исплива норма за Олимпијадата во Рио- Бразил , следната година. Таа на патеката од 200 м слободно постигна време од 2.02.24  додека олимписката норма беше 2.03.13. Овој митинг е дел од квалификационите трки  за Олимпијадата, признаени  и влезени во календарот на ФИНА, светската пливачка федерација. 

 Ова  е мое второ посигнато време на оваа патека, но значајно е што го испливав на трка која е влезена во  календарот за квалификации за учество во Рио.  Тренирам за да имам норма и за  патеките од  100 и  50м. слободно. Мислам дека ќе успеам оти сум близу до потребните времиња - изјави Богдановски.  

Таа тренира под водство на тренерот Боб Бовман, заедно со Мајкл Фелпс и Алисон Шмид  Овие две пливачки светски имиња имаат заедно освоено 28 медали на Олимпијадите.  Богдановска има испливано норма и за учество на СП во пливање кое во август ќе се одржи во Рускиот град Казан.   Таа  има пливано  за Македонија на СП за кратки базени во Истанбул 2012=та и на Медитеранските игри во Мерсин Турција 2013 година.

 Годинава пливачката Богдановски дипломира за јавно здравје  на  престижниот Џонс Хопкинс Универзитетот  кој има дадено 27 нобеловци  а студиите ќе ги продолжи следната година, откако оваа и ги посветува на подготовките за настап на Олимпијадата во  Рио и на СП во Казан.  Пливачката Богдановски живее, студира и тренира во САД а по мајка и Нада јаричквоа е велешанка. 

Поврзани »