Претпладнево се случила сообраќајна несреќа, кога автомобил излетал од патот и удрил во дрво. Тоа било кај Речани на ул. Академик Пенчо Давчев околу 9,30ч. , близу базата на Македонија пат. Во автомобилот бил сам возачот, кој има тешки повреди.

„Постапивме по примен повик, имаше едно лице повредно, со повреди на глава. Дадовме неопходна терапија и го однесовме на Ургентен центар во велешка болница“ – кажа д-р Славица Нешова Пановски од службата за Итна помош.

Повреденото лице го извадиле од возилото велешките пожарникари.

„Територијалната Противпожарна Единица Велес излезе на лице место со едно  пожарно возило и двајца пожарникари спасители. По пристигнување, возилото е обезбедено, а лицето е извадено и предадено на Итната Медицинска Помош“ – соопштија од ТППЕ Велес.  

„По извршените снимања и претраги, констарирани се повреди на глава, повердениот е интубиран и веднаш потоа префрлен во приватна клиника во Скопје“  - соопшти д-р Ванчо Граматов, од велешка болница. 

Велешката полиција ден по настанот со информација за сообраќајката.

„На 08.11.2025, во СВР Велес e пријавено дека околу 09:35 часот, на улица „Академик Пенчо Давчев“ во Велес, патничко возило „мерцедес“, управувано од А.П.(47 год) од Велес, излетало надвор од коловозот и удрило во дрво“ - соопшти Биљана Ѓаковска, портпарол на СВР Велес.

По налог на јавен обвинител, возилото „мерцедес“ е однесено на вонреден технички преглед. 

Поврзани »