Петар Печков
Објавено: понеделник, 06 октомври 2025
Во петокот, велешките пожарникари интервенирале во случај кога девојчиња, се заглавиле во лифт во центарот на градот.
„На ден 3 октомври во 9:30 часот примена е дојава за заглавени девојчиња во лифт во бутик Синсај, во центарот на градот. Територијалната Противпожарна Единица Велес излезе на лице место со едно противпожарно возило и три пожарникари-спасители. По пристигнување, екипата пристапи кон отворање на вратата од лифтот. Благодарение на брзото пристигнување и навремената интервенција, девојчињата беа успешно ослободени од заглавениот лифт, без повредени лица“ – соопштија од ТППЕ Велес.
Во неделата интервенција, по пријава за запалена куќа, но било само запалена трева.
„На ден 5 октомври во 16:45 часот, примена е дојава за запалена куќа на ул. Богдан Каракостев во Велес. Територијалната противпожарна единица Велес излезе на лице место со едно противпожарно возило и четворица пожарникари-спасители. По пристигнување на лице место, констатирано е дека станува збор за запалено ѓубре. Поради тесните улици и непристапниот терен, екипата беше приморана да гаси со црева поврзани од соседните куќи“ – дополнија од ТППЕ Велес.
Огнот бил изгаснат.
