Петар Печков
Објавено: среда, 02 април 2025
Надојдената Маркова река предизвика големи оштетувања на пругата помеѓу Скопје и Велес, на делница Лисиче –Драчево.
Проценките на стручните лица од МЖ се дека е однесен нанос, каде е поставената пругата, во должина од стотина метри. Овие оштетувања нема да го сопрат железничкиот сообраќај, тој ќе продолжи но ќе има зголемено времетраење на патувањето, најавуваат од Македонски железници.
„Штетите се големи, наносот каде е поставена пругата е однесен во должина од околу стотина метри. Возовите на оваа релација ќе ја користат пругата преку Трубарево, што значи дека нема да има прекин, но патувањето ќе трае подолго. Можно е некој воз да биде времено сопрен“ – соопштија од Македонски железници.
Претпладнево жеелзничкиот сообраќчај од Скопје кон Велес и обратно се одвива непречено, но со задоцнувања на патничките возови.
