Локалната власт ги послуша станарите за узурпацијата на јавните површини

Петар Печков

Локалната власт започна акција за воведување на ред  во комуналната сфера.  Деновиве започна отстранување на нелегалната урбана опрема, поставена од дел  од кафетериите кои работат на улица Благој Ѓорев,  спроти Гимназијата. Ова доаѓа  по долгогодишните  барања на станарите од соседните згради но и поради узурпацијата на јавните површини, образложи градоначалникот на Велес, Аце Коцевски.  

По долгогодишните реакции на жителите од зградите  во соседството и претставките поднесени до Општина Велес за узурпација на јавните површини, преземавме конкретни мерки да го спречиме уништувањето на зелените површини и да излеземе во пресрет на барањата на станарите од околните влезови.  Стручните служби затекнаа загрижувачка состојба, заробени дрвја помеѓу тенди и олуци, ковани дрвени платформи, железни конструкции, поставени светлечки реклами на дрвјата,  поставени цевки за одвод на вода без одобрение од надлежен орган кои завршуваа под земја. Оваа состојба мораше да се реши и зеленилото да се врати на граѓаните. ЈКП Дервен веќе го  обработи просторот и се засади зеленило.  Сите се еднакви пред законот а сопствениците да се придржуваат на одобренијата кои ги добиле - изјави Коцевски.  Нивните реакции на социјалните мрежи тој ги оцени како  неоправдани. 

фото: Општина Велес

Поврзани »

АКЦИЈА ЗА СОБИРАЊЕ НА ГАБАРИТЕН ОТПАД

Во периодот од 1ви до 15ти Септември годинава ќе се спроведе акција за собирање на габаритен отпад од домаќинствата. Оваа услуга е бесплатна за граѓаните. Сите заинтересирани граѓани можат да се пријават во сектор Комунална хигиена секој работен ден од 07.00 до 15.00 часот, на следните броеви: 043/233-768 или 075 498 551 и 071 229 986. Детали

Квалитет на воздухот во Велес


АНКЕТА »

Како ги поднесувате пеколните температури, кои стасаа до 41 степен?

  • не излегувам од дома
  • се освежувам во базените од хотелите/ градски базен
  • додека е рано претпладне се завршуваат обврските
  • и на ова време мора да се живее
Резултати