Вечерва  25 декември (четврток) во 19.00 часот во Ликовниот салон ќе биде отворена  археолошката изложба на камени споменици „Memento vivere“. 

„На изложбата преку археолошки предмети и фотографии ќе бидат презентирани најзначајните примероци од оваа збирка која соджи архитектонски елементи, релјефи и камена пластика, сопственост на Народен музеј Велес. Изложбата е дел од активностите поврзани со санација, конзервација и ревитализацијата на збирката камени споменици, а како крајна цел во иднина таа да прерасне во постојана музејска поставка. Збирката на камени споменици се одликува со исклучителна уметничка вредност, а истовремено го отсликува духот и времето во кое се настанати спомениците, со особен акцент на римското владеење на овие простори“ – соопштија од Народниот музеј на Велес. 

Автор на изложбата е д-р Анита Василкова Мидоска, кустос советник археолог, и дел од  Годишната програма за поддршка на проекти од национален интерес за 2025 година. Таа ќе биде достапна за посетителите во текот на јануари и февруари 2026 година и претставува вовед на големиот јубилеј на оваа институција 80-години музејска дејност во Велес.

Поврзани »