Утре, четврток во Велес  ќе се одржи  „Денот на спортот“ дел од  Плазма Спортските игри за млади.  Овој голем спортски настан за првпат  годинава се одржува во Македонија, а претставува една од најголемите аматерски спортски платформи во Европа, со традиција подолга од 30 години.

„Главната цел на СИМ е бесплатен спорт за секое дете, како и поттикнување на здрав, активен и динамичен животен стил, промоција на инклузијата, развој на здрави навики, негување на фер-плејот, создавање искрени пријателства и градење на вистински вредности“ – соопштија од организаторите Сојузот на училишен спорт. 

Почеток во 10 ч. на терените на гимназијата „Кочо Рацин“ а дел и во спортската сала Гемиџии и на ракометното игралиште во Градски парк.  Учествуваат ученици од основните училишта од Велес и како гости од Свети Николе и Лозово.

Игрите опфаќаат натпревари во  атрактивни спортски дисциплини турнир во мал фудбал, пинг-понг, тенис, народна топка и атлетика во рамките на „Денот на спортот“.

Досега Спортските  игри на младите се одржаа во Скопје, Куманово, Штип и денес, среда во  Струмица.

Повеќе информации за Плазма Спортските игри за млади можете да прочитате на https://sportskiigrizamladi.com/

Поврзани »