Објавени содржините за Зимскиот фестивал во Велес, кој треба да донесе новогoдишна радост за велешани. Тој ќе се одвива на просторот од Младински парк, во периодот од  26-ти до 30-ти декември петок –вторник.  Мотото е  „Велес – магијата почнува дома“.

Радоста за децата треба да биде доаѓањето на Дедо Мраз, што треба да се случи недела на 28 декември во 13ч.  За нив има и Елфовско шоу сабота исто од 13 ч. Петок од 17ч. се песните од детскиот фестивал Детски ѕвончиња, веднаш потоа е настапот на Балетското студио Анабела а по нив се забава со детските јунаци Мини и Мики. Недела на пладне е детската престстава „Заспаната долина“ од 12ч.  а од 17ч. е маѓионичарско шоу. Понеделник за почеток на забавата од 17ч. е цртање на лице и игри со супер херои, а вторник од 17ч. е дружење со цртаниот јунак Стич.

За возрасните забавата овие пет дена, 26-30 декември започнува подоцна. Петок од 20,30 е ДЏ Флексифи, сабота  од 18,45 е ДЏ Попај а потоа и настапот на Нина Јанева. Недела од 18,30 е ДЏ Александар Јорданов а веднаш по него групата Ај Кју. Понедленик од 19,30 е концертот на велешанката Валерија Шојлевска,  од 21ч. е ДЏ Орбитал со огнено шоу. Вторник од 18,30 ч. ДЏ Лука Петров а по него од 20,45 Саутпарк. 

Сабота од 12ч. е настапот на детскиот хор Св. Кирил и Методиј.

Сите овие денови ќе има и базар на рачни изработки, на ракотворци од Велес. Тие исто така ќе бидат поставени во Младински парк. 

Во овој период ќе бидат отворени и ќе работат куќарките со понуда за зимска храна, греано вино и греана  ракија. 

Организатор е Општина Велес.

Поврзани »