Познат е стадионот каде велешки ФК Борец ќе игра за пласман во Втора лига. Денес ФФМ соопшти дека одреден  е стадионот  Никола Мантов во Кочани да биде местото каде мегдан ќе имаат ФК Борец и ФК Кожуф од Гевгелија. Ќе играат на 30 мај, сабота. Велешани се победници на Трета лига Југ а гевгеличани се 9-то пласирани во Втора лига.  

Одредени се домаќините уште на двата други баражи.  Во Кратово ќе се соочат Каменица Саса и Еуромилк ГЛ, додека во Штип ќе се борат Победа Валандово и Камјани од село Камењане. Победниците се во Втора лига, поразените остануваат во Трета лига. 

Последниот бараж натпревар за пополнување на ВМФЛ за сезоната 2026/2027 ќе се одигра на 31 мај на стадионот во Ѓорче Петров, а се среќаваат Тетекс Тетово и Влазними Струга.

Почетокот на сите четири средби е закажан за 16 часот и 30 минути.

фото интернет

Поврзани »