На едно коло пред крајот, на домашен терен, велешки ФК Борец го доби пехарот за прво место во Третата фудбалска лига Југ. Тој беше врачен од претседателот на Трата лига ЈУГ - Сашко Тасев, за капитенот на ФК Борец Милан Чичевски.  Но првото место не води директно во Втора лига, туку има квалификации- бараж. Противникот и терминот ќе бидат дополнително познати.

Во ова коло ФК Борец славенички победи со 7:0 над ФК Младост од прилепско Кривогаштани, тим кој е 10-ти на табелата. Во локалното дерби во Чашка, мирољубиво нерешено 1:1 одиграа ФК Башкими и ФК Превалец. И ФК Тополка одигра реми 3:3 со соседот од дното на табелата ФК Бучим од Пресил крушевско. 

По претпоследно 25 коло ФК Борец е прв со 59 бода, ФК Превалец е втор со 53, ФК Башкими е 6-ти со 32 а ФК Тополка е последна 12-та со 18 бода. 

Во следното последно коло ФК Борец гостува во крушевско Пресил кај ФК Бучим, ФК Башкими гостува во Крушево кај ФК Питу Гули кој е 5-ти а ФК Тополка гостува во Росоман кај истоимениот противник, кој е 7-ми на табелата.

Поврзани »