Петар Печков
Објавено: среда, 27 август 2025
Три филмови на репертоарот на Киноверзум Велес наредните денови, сите премиери. Ќе се прикажуваат три дена, четврток, петок и сабота. Остантатите денови до среда нема кино претстави.
Премиера на анимираниот „Лоши момци„ дело на Дримворкс студиото. Лошите момци се борат да најдат доверба и прифаќање во нивните новоосновани животи како Добри момци, кога се извлечени од пензија и принудени да работат „уште една последна работа“ од страна на екипа криминалци составена исклучиво од жени.
Премиера и за романтичната комедија „Материјалист“ меѓу најгледаните филмови во светот изминатиот викенд. Млада, амбициозна подводаџика од Њујорк, која спојува туѓи животи, но не и својот, се наоѓа помеѓу совршениот партнер и нејзиниот несовршен поранешен партнер.
Третата премиера е за „Фатен на дело“ акција, трилер. Исцрпениот поранешен бејзбол играч Хенк Томпсон неочекувано се наоѓа вмешан во опасна борба за опстанок среде криминалното подземје на Њујорк од 1990-тите, принуден да се снаоѓа во предавнички подземен свет какво што никогаш не го замислувал.
