На годинешната свечена церемонија на најпрестижните театарски награди во Бугарија – АСКЕЕР, претставата „Без крв“ освои  неколку од значајните признанија.

Копродукцијата на Драмски театар Пловдив и Театар Џинот – Велес, ја освои наградата за најдобра претстава на професионалниот театар во Бугарија. Режисерката Диана Добрева, беше наградена со АСКЕЕР за најдобра режија. Раде Василев и Елена Вангеловска, кои ја понесоа наградата за најдобра костимографија, дополнително зацврстувајќи ја естетската сила на „Без крв“.

Композиторите Сашко Костов и Јавор Карагитлиев беа номинирани во категоријата за оригинална театарска музика, а Валентин Светозаров доби номинација за најдобра сценографија, со што уште повеќе се заокружува високиот креативен домет на овој проект.
Наградите АСКЕЕР се доделуваат од 1991 година. Претставата која е работена по текст Александар Барико,  на 17 мај беше изведена на Меѓународниот театарски фестивал „МИТЕМ“ во Будимпешта, Унгарија.

Во претставата настапуваат актерите Васил Зафирчев, Кети Борисовска, Исидор Јованоски и Филип Христовски. Таа беше изведена лани есента на МОТ во Скопје и засега не е одиграна на велешкката  сцена, иако финансиски беше поддржана од Министерсвото за култура.

Поврзани »