Петар Печков
Објавено: недела, 24 ноември 2024
Денес во околината на езеро Младост, се одржа акција за пошумување. Таа се изведе на опожарените терени од пожарот во август 2019 година.
На неа учествуваа вработените од Подружницата „Бабуна“ од Велес заедно со ученици, шумската полиција, планинари, еколошки здруженија, извидници, акцијашите ветерани и граѓани волонтери од Велес.
Тие денес пошумуваа на неколку хектари, а во наредните денови ќе бидат вкупно засадени околу 17,5 хектари површина со околу 40 илјади садници од јавор, јасен и багрем. Тие се обезбедени од "ДМ-дрогерии".
