Петар Печков
Објавено: понеделник, 18 ноември 2024
Според Центарот за управување со кризи, Скопје, тие добиле информација од МЖ дека помеѓу станиците Кадина река и Зелениково, товарен воз излетал од шините, околу 21,37ч.
Поради тоа железничкиот сообраќај е во прекин. Повредени лица нема а екипи на МЖ биле на терен.
Директорот за влеча и одржување на возните средства во „МЖ-Транспорт“, Игор Коруноски околу пладне соопшти дека пругата е пуштена за сообраќај и не станувало збор за излетување на возот, туку за излизгување на една осовина од локомотивата, по што била извршена санација.
Железничкиот сообраќај е нормализиран околу пладне, 12ч. До тогаш не сообраќаа вечерниот патнички воз од Скопје за Велес, утринскиот, како и патничкиот утрински воз од Битола за Скопје и од Гевгелија за Скопје.
