Петар Печков
Објавено: петок, 25 април 2025
Полициски марш во должина од 11 км. се одржа денес, петок, на подрачјето на Општина Чашка. Околу 200 службеници од СВР Велес, заедно со раководството на СВР Велес и првиот човек на Бирото за јавна безбедност, директорот Александар Јанев, пешачеа од селото Еловец до манастирот Свети Илија, во близина на селото Лисиче.
„Маршот ја симболизираше врската помеѓу полицијата и заедницата на којашто полицијата секојдневни и служи. Мотивот е преку ваквите активности коишто ќе бидат во континуитет спроведувани на подрачјата на сите Сектори за внатрешни работи да се нагласи и поттикне важноста кон здравиот животен стил, кон редовната физичка активност и психолошката стабилност – вредности што се клучни за успешното извршување на полициската служба“ – соопштија од СВР Велес.
Активноста којашто Бирото за јавна безбедност на МВР ја реализираше е за унапредување на социјалната кохезија, зајакнување на физичкото и менталното здравје, односно добросостојбата на полициските службеници, како и унапаредување и поттикнување на тимскиот дух и меѓусебната доверба и поддршка.
