Петар Печков
Објавено: петок, 25 април 2025
Стрип центарот на Македонија од Велес издаде три нови стрип списанија ,,Стрип креатор'' бр.37 и 38 и ,,Стрип алманах'' бр.8. Тие се едни од малкуте стрипови кои ги претставуваат стрип авторите од Македонија. Во овие три стрипови се наоѓаат и дела на автори од Србија, Хрватска, БиХ, Романија, Грција.
„Стрип креатор е единствена постојана стрип публикација кај нас која излегува од 2003 каде македонски автори континуирано ги објавуваат своите стрип дела, некои од нив и дебитантски. На македонски јазик се објавуваат подобрите странски но и домашни автори од традиционалниот мегународен стрип конкурс . Ревијата Стрип алманах е издание каде се застапени стрипови на македонски автори создадени на мегународната стрип колонија во Велес. Ме радува што има се повеќе девојки стрип цртачи“- вели ване Трајков, претседател на Стрип центарот на Македдонија од Велес .
Стрип изданијата се финансирани преку Годишната програма за издаваштво на Министерството за култура и туризам.
