Петар Печков
Објавено: петок, 17 јануари 2025
Режисерот Ненад Витанов е нов селектор на драмската програма на еминентниот фестивал „Охридско лето“. Тој е именувана од страна на директорот на НУ „Охридско Лето“ Ѓорѓи Цуцковски. За селектор на музичката програма е именувана Симона Ѓорчева.
Досега Ненад Витанов има режирано дваесетина театарски претстави во повеќе театри а неговите претстави се селектирани на повеќе театарски фестивали и имаат добивано награди. Вработен е во Народниот театар Јордан Хаџи Константинов – Џинот во Велес. Витанов беше програмски директор на ФАД Стоби, организатор на „Рацинови средби“, директор на театарскиот фестивал „5РЕ“, како и дел од жирито за доделување на актерската награда за животно дело Петре Прличко.
„Со професионалноста и умешноста на новите селектори ќе внесиме свежина во програмата и убеден сум дека тоа ќе го препознае стручната критика и нашата верна публика“ вели директорот Цуцковски.
Ѓорчева и Витанов се истакнати уметници и културни работници, добро познати на музичката и театарската јавност, со богата професионална кариера.
Годинава 65 фестивалско издание на „Охридско лето“ ќе се одржи од 12 јули до 20 август.
