Зачестија случаите на возење пијани, на возачи во Тиквешијата.  Во саботата нов случај, при тоа возачот излетал од патот. Деталтие од информацијата од СВР Велес.

„На 7 септември во 16:30 часот на регионалниот пат Кавадарци-село Возарци, кај место викано „Рамниште“, полициски службеници од ОВР Кавадарци го лишиле од слобода В.А.(65 год) од село Дреново, кавадаречко, кој околу 15:20 часот управувајќи патничко возило „фолксваген голф“ со прилепски регистарски ознаки, излетал од патот. По преземени мерки било констатирано дека е под дејство на алкохол, односно дека има 2,62 промили алкохол во крвта“ – соопшти Биљана Ѓаковска, портпарол на СВР Велес.

Лицето е задржано во полициска станица и по целосно документирање на настанот, против него ќе биде поднесена пријава по член 297-а од Кривичниот законик - „безобѕирно управување со моторно возило“.

Поврзани »