Шест дена последователно, воздухот во Велес е загадрн. Со почетокот на сезоната на греење и есента, опадна квалитетот на амбиенталниот водух  во градот. Мерните инструменти на Министерството за животна средина од 29 октомври до вчера 3 ноември, мерат среднодневни вредности, кои се над граничните од 50 мг/м3.

Највисока вредност е измерена на 31 октомври, петокот од  70,4 мг/м3. Останатите денови била 29 октомври  – 65 мг/м3, 30 октомври  – 69,8 мг/м3, 1 ноември 64,2 мг/м3, на 2 ноември  56,3 мг/м3 и вчера понеделник 62,5 мг/м3.  Ова се вредности за ПМ10 честичките.

Среднодневната вредност на Ѕ02 највисока била исто така на 31 октомври безмалку 2 мг/м3. Според мерните апарати поставени од локалната власт, пикот на загадување се случува во терминот до 17 до 21ч.

Се мерат и часовните вредности, но за нив нема гранична вредност која е дозволена со правилник или Закон.  Тие биле највисоки ноќта на 1 ноември во 21 ч. на јаглен моноксид  1,7 мг/м3, најопасните ситни честички на ПМ2,5 кој влегуваат длабоко во човековиот организам на 1 ноевмри во 22ч. од 92 мг/м2.  На азот диоксид кој се води како загадувач на воздухот и ја загрозува животната средина највисока часовна вредност е измерена на 30 октомври  во 13ч. од 75,6 мг/м3.

Поврзани »