Петар Печков
Објавено: сабота, 29 ноември 2025
Македонците од Хрватска го одбележаа 25 ноември денот на издавањето на стихозбирката „Бели мугри“ на Кочо Рацин и 86 година од издавањето. Нивната почит беше искажана со полагање венци во градот Самобор Хрватска, каде таа е издадена. Пред Музејот на градот има спомен биста, каде се чествува делото на бесмртниот Рацин. Настанот е организиран од Заедницата на Македонците во Хрватска и Македонското културно друштво „Охридски бисер“ од Загреб.
Цвеќе положи Драган Ѓурчевски, амбасадорот на Северна Македонија во Хрватска, а во име на Град Самобор, венецот го положи Маријан Кизлин од Управниот оддел за општествени дејности. На настанот беше и директорката на Македонскиот културен центар во Загреб Мими Ѓоргоска Илиовска.
Програмата продолжи попладнето во Музејот со предавања за животот и делото на Рацин, на кој зборуваше Васил Тоциновски, како и работилници на македонски јазик за возрасни и културно-уметнички активности.
фото: ФБ Радио Самобор
