Петар Печков
Објавено: вторник, 20 ноември 2018
Заврши есенскиот дел од Третата лига Центар, во последното коло победа и пораз за велешки екипи, третата ќе игра дополнително. ФК Превалец на гостувањето во кавадаречка Марена, кај истоимената екипа која е седмопласирана победи со 0:2 (0:2) и остана втор. ФК Тополка загуби убедливо со 6:1 (3:1) од осмо пласираната екипа на ФК Росоман во Росоман. Со ова ФК Тополка е последна 12-ти со пет бода. ФК Бабуна требаше да гостува кај лидерот ФК Питу Гули но поради снежните врнежи во Крушево, теренот бил неупотреблив и натпреварот е одложен за недела 25 ноември. Заостанат натпревар има и ФК Превалец против ФК Големо Коњари од 10-тото коло кој е закажан исто така за в недела на 25 ноември.
Во 12-тото коло од Третата лига Исток во дербито во Кочани ФК Работник од Лозово загуби од лидерот ФК Осогово со 3:1 (2:0). По ова коло ФК Работник е четврти од осум екипи, со 19 бода. Во следното последно коло во Третата лига Исток ФК Работник од Лозово игра дома со ФК Малеш од Берово кој е 7-ми со 11 бода.
Се одигра претпоследното осмо коло од Општинската фудбалска лига.
ФК Форца нова- ФК Горски 0:2
ФК Младост - ФК Башкими 0:3(служб)
ФК Интернационал - ФК Локомотива 2:4
ФК Согле - ФК Мартолци 0:6
ФК Илинден БС беше слободен
Т А Б Е Л А
1. Мартолци 07 8 6 0 1 27:11 18
2, Форца нова 7 5 1 1 11:6 16
3. Локомотива 7 4 1 2 15:11 13
4. Илинден БС 7 4 0 3 18:11 12
5. Башкими 7 4 0 3 11:7 12
6. Горски 7 3 1 3 11:13 10
7.. Младост 7 3 1 3 9:12 10
8. Интернационал 7 1 0 6 14:25 3
9. Согле 7 0 0 6 5:26 0
Во следното последно коло играат:
ФК Локомотива - ФК Согле
ФК Башкими - ФК Интернационал
ФК Горски - ФК Младост
ФК Илинден БС - ФК Форца Нова
