Утрово околу 4,15 часот   се случи тешка сообраќајна несреќа во која има еден починат. Таксистот Орце Атанасов (52 год) починал на лице место , додека  Е.Б. ( 21 год) минал  без повреди. Според сведоците возилото  марка БМВ доаѓало од улица Благој Ѓорев и удрило во возилото ,,сеат ибица,, кој сообраќало од улица 8-ми септември кон  улица Алексо Демниевски. Глетката од сообраќајката била стравична.

Спиевме кога наеднаш слушнавме силен тресок. Помисливме дека е земјотрес. Излеговме на тераса и кога гледаме сообраќајка.  Возачот на таксито не можеа да го извадат од  колата, мораа да ја сечат пожарникарите. Имаше доктори, а кога го извадија тој беше починат – велат очевидците.

Поради страотната глетка и последиците, по завршувњето на увидот, комуналците на ЈКП Дервен мораа да ја перат улицата.

Од СВР Велес ја потврдија информацијата. Додаваат дека БМВ-то го управувал Е.Б, додека таксито сеат ибица О.А. Објаснуваат дека истрагата ќе покаже дали и колку промили алкохол имало кај учесниците во сообраќајката, и со која брзина возеле.

Ова место, спојот на улиците Благој Ѓорев и 8-ми септември е критично а уништената  канделабра не  е прва која е колатерална жртва на сообраќајки на спојот од овие две улици. И пресеченото дрво е токму поради тоа, од удар на автомобил во него.

Поврзани »