Надојдениот Вардар најмногу проблеми изминатите два дена создаде на трите моста  на реката во велешко.  Во опасност по безбедноста беа мостовите кај Башино село, кај Ногаевци и Уланци. На нив  надојдената река натрупа големо количество стебла и отпад, поради што стабилноста беше нарушена.

Побаравме од локалните власти, оти тоа се мостови кои се на регионален пат, да ги исчистат и  отстранат дрвјата.  Тие беа  закачени на носечките столбови, па  беа нестабилни и опасност за сообраќајот и безбедноста.  И двете локални власти во Велес и Градско со нивна механизација, ги отстранија. Реката сега е далеку од излевање но и натаму ја следиме состојбата – изјави Билјана Симова од Центарот за заштита и спасување  во Велес. 

Таа информираше дека досега никој од излеаните подрачја на реките Тополка и Бабуна во велешко, не пријавил штета. Од општина Велс и општина Градско информираа дека претходните денови мостовите кај Башино село во општина Велес, и Ногаевци и Уланци во општина Градско биле постојано следени и чистени.  

Ангажирани беа екипи кои работеа на расчистување на столбовите на мостот,  на отстранување на дрвјата, некои и повеќедецениски, кои Вардар ги донесе овој пат  преку Пчиња од Кумановско во велешко – велат од  локалната власт на  Општина Велес.

Тие  стебла што минаа низ Велес, се закачија ан мостовите во Уланци и Ногаевци, општина Градско. Но и нив тамошната локална власт два дена ги отстрануваше. Сите три моста сега се проодни безбедни. Слична состојба беше и пролетва за Велигден, кога Вардар овие три моста, поради високиот водостој и нанесените стебла, ги доведе во опасност

Поврзани »