По тринаесетти пат оваа година, се одржа рекреативната трка ,,Да се трча здраво е,,  на која учествуваа стотина учесници, претежно ученици од основните училишта и дваесетина граѓани поддржувачи на здравиот живот, кои се приклучија на оваа активност.   Се стартуваше од пред Гимназијата, се трчаше по Благој Ѓорев до Пошта и потоа по Алексо Демниевски Бауман, до крстосницата кај семафорите и во задниот двор од Гимназијата. 

Целта на  оваа трка е децата да ги изнесеме час , два од дома, да се дружат, да излезат во природа, да не седат пред компјутерите, со мобилните, да се социјализираат - рече  Иванка Андова претседател на Друштвото на родители за грижа за здраво поколение и Советот за превенција од детското претставништво. 

Трката е втора наша активност годината и целта е да го подигнеме јавното мислење и на младата популација,  да се одржува добра физичка активност , да се развиваат здраво, да  се вратат на детските друштвени игри - кажа Весна Стојанов Богоевска, претседател на Советот за превенција од детското претставништво.   Иако немаше натпреварувачки карактер, тројцата најбрзи добија благодарници: Теодор Иванов, Благој Марковски, Александар Трајков. 

Манифестацијата ја помогнаа ,,Жито маркети,, кои обезбедија маички за сите учесници и поткрепа и освежување за тркачите. 

Поврзани »