Управниот одбор на Здружение на судиите ја објави вредноста која нејзините членови, ја уплатија за  Солидарниот фонд за справување со вирусот ковид -19. 

Така Од Основен суд Велес, 14 од 16 судии  уплатиле вкупна вредност од  162.892,00 денари.Двајца од велешките судии не ја почитувале одлуката.

За потсетување   со  Одлука од  29-ми април  годинава  УО  на Здружението  на судиите  побара тие  да издвојат/донираат најмалку 20% од нивната плата за месец април и мај 2020 година, за сметка на Солидарниот фонд за справување со вирусот COVID 19.

Управниот одбор одлука ја донел во форма на Препорака и истата судиите ја почитуваат на доброволна основа. 

Судиите од сите судови во земјава   покажаа солидарност, единство и колегијалност и донираа 4.632.144 денари - констатираше УО на Здружението на судии.

Ова дојде откако Владата донесе мерка со која судиите требаше за април и мај да добијат минимална плата од 14,5 илјади денари, којa Уставниот ја укина и предизвика силни реакции во јавноста. 

Поврзани »